Диктантты үткәреүҙең төп майҙансыҡтары: “Башҡорт дәүләт университеты” юғары белем биреүсе федераль дәүләт бюджет мәғариф учреждениеһының төп уҡыу корпусындағы (Өфө ҡалаһы, Зәки Вәлиди урамы, 32) 2-се аудитория (башҡорт телендә ирекле һөйләшкәндәр өсөн), 1-се аудитория (башҡорт телен яңы өйрәнә башлағандар өсөн), “М. Аҡмулла исемендәге Башҡорт дәүләт педагогия университеты” юғары белем биреүсе федераль дәүләт бюджет мәғариф учреждениеһының 2-се корпусындағы (Өфө ҡалаһы, Октябрь Революцияһы урамы, 3а) 202-се аудитория (башҡорт телендә ирекле һөйләшкәндәр өсөн), 206-сы аудитория (башҡорт телен яңы өйрәнә башлағандар өсөн),  Бөтә донъя башҡорттары ҡоролтайы (Өфө ҡалаһы, Революцион урамы, 43). Диктанттың рәсми сайтында рәсми майҙансыҡтарҙан тапшырыу алып барыла.

Альтернатив майҙансыҡтар “Башҡорт дәүләт университеты” юғары белем биреүсе федераль дәүләт бюджет мәғариф учреждениеһы филиалдарында, Башҡортостан Республикаһындағы һәм Рәсәй Федерацияһы төбәктәрендәге, яҡын һәм алыҫ сит илдәрҙәге дөйөм, урта махсус һәм юғары белем биреү учреждениеларында ойошторола.

Башҡалабыҙҙа, диктант яҙырға теләүселәргә, “Арт клубы” (Карл Маркс урамы, 37/1-се корпус, 310-сы кабинет), башҡорт телен өйрәнергә йөрөүселәр, Территория 3000, “ Ҙур Нәнәй” (Менделеев урамы, 134/7, 3-сө ҡат, А и Б инеү урыны), башҡорт телен өйрәнә башлағандар, “Радость есть” кафеһында (Пушкин урамы, 94) башҡорт телен яҡшы белгәндәр өсөн майҙансыҡ ойоштороласаҡ. Ә инде республикабыҙҙың төрлө райондарында, күрше өлкәләрҙә, Силәбе, Пермь, Ҡазан, Мәскәү, Санкт- Петербург, Казахстан, хатта Америка Ҡушма Штаттарында, Канадала, Германияла, Төркиәлә, Францияла,  Англияла йәшәүсе беҙҙең башкорт егеттәре һәм ҡыҙҙары диктант яҙыуҙы үҙ аллы ойоштора, уҙенең дикторын һайлап  йәки төп майҙансыҡтан барған онлайн трансляцияға ҡушылып  яҙасаҡ.

        2019 йылда,  был сараның юбилей йылында, башҡорт теленән диктант Халыҡ-ара статус алды. Диктант – хатаһыҙ яҙыу мәҙәниәтен популярлаштырыу һәм үҫтереү мәсьәләләренә иғтибарҙы йәлеп итеүгә йүнәлтелгән, теләге булғандарҙың барыһы өсөн тәғәйенләнгән, йыл һайын үткәрелгән ирекле, түләүһеҙ белем биреү акцияһы.

        Сара йыл һайын Башҡорт дәүләт университетының төп корпусында (Өфө ҡалаһы, З.Вәлиди урамы, 32-се йорт, 01, 02-се аудиториялар) һәм Стәрлетамаҡ, Сибай, Бөрө, Нефтекама филиалдарында, М.Аҡмулла ис. БДПУ-ла, юғары уҡыу йорттарында, колледждарҙа, мәктәптәрҙә һ.б. ойошмаларҙа, шулай уҡ Рәсәй Федерацияһының башҡа өлкәләрендә лә уҙғарылды.

         2015 йылдың 11 апрелендә тексты Рәсәй Федерацияһының һәм Башҡортостандың халыҡ артисы, С.Юлаев исемендәге премия лауреаты Хөрмәтулла Ғаззали улы Үтәшев, 2016 йылдың 23 апрелендә Башҡортостандың халыҡ артисы Әхәт Мотаһар улы Мортазин уҡыны. Артабанғы йылдарҙа Башҡортостан Республикаһының халыҡ артисы, Башҡортостан Республикаһының Шәйехзада Бабич исемендәге Йәштәр дәүләт премияһы һәм Йомабай Иҫәнбаев исемендәге Республика ҡурайсылар конкурсы лауреаты, театр һәм кино артисы, “Каруанһарай” фольклор-эстрада группаһы солисы һәм ҡурайсыһы, “Рәсәй 1-Башҡортостан” телеканалының алып барыусыһы Рәсүл Рафиҡ улы Ҡарабулатов (2017 йылдың 22 апреле); Мәжит Ғафури исемендәге Башҡорт дәүләт академия драма театрының художество етәксеһе, БАССР-ҙың халыҡ һәм РСФСР-ҙың атҡаҙанған артисы, Башҡортостан Республикаһының Салауат Юлаев исемендәге Дәүләт, Рәсәй Федерацияһының Дәүләт, К.С. Станиславский исемендәге Халыҡ-ара премиялары лауреаты Олег Закир улы Ханов (2018 йылдың 21 апреле) саҡырылды.

        Йылдан-йыл был сарала ҡатнашыусыларҙың һаны арта бара.